Më 26 maj 2009 kemi pasur një vizitë të veçantë prej një grupi të përbërë nga 20 studentë të Universitetit të Evropës Juglindore (SEE University) të Tetovës (Republika e Maqedonisë), të shoqëruar nga docentët Bexheti, Xhaferi, Kadriu, Ibrahimi dhe Iseini. Mysafirët u pritën nga Kryebashkiaku Anton Mondera, i cili u dhuroi një seri botimesh, dhe pastaj, të udhëhequr nga operatorët të Sportelit gjuhësor, vizituan selinë e Fondacionit De Rada dhe Rrugëtimin serembian. Docentët, që ktheheshin në Strigar për të tretën herë në pak vjet, u përgëzuan për realizimet e reja të Administratës bashkiake, të cilat kanë për qëllim vlerërritjen e trashëgimisë arbëreshe.