NJË IKONË  E RE E SHËN VINÇENCIT

 Shën Vincenc Ferreri është një shenjtor shumë i nderuar në bashkësinë e Strigarit. Një numër i madh strigarjotësh siell emrin e tij dhe shumë besimtarë marrin pjesë ne rastin e festës që celebrohet në famullinë për këtë dëshmor të Krishtit.

   Më 5 Prill 2008, e shtunë, festa e Sh. Vinçencit, u bekua dhe u soll për nderimin e besimtarëve në kishën e famullisë një ikon e çmueshme e Shenjtorit, që e pikturoi ikonografa Motër Maria Grazia (Tadore) Uka nga Kosova. Shpenzimet i përballoi një grup devotësh që organizoi edhe festimet. Pasi u mbaruan shërbesat fetare në kishë dhe procesioni i shoqëruar nga tingëllimi i kumborave dhe nga banda muzikore “Città di S. Cosmo”, në sallën e motrave basiliane ju ofruan të gjithve pije freskuese dhe të ëmbla.

  Sh. Vinçenc Ferreri, që lindi në Valensiwn (Spanjë), në moshën pesëmbëdhjetëvjeçare hyri në Urdhrin e Shën Dhuminkut. Pasi u bë prift, i u dha predikimit dhe u shfaq si njeri i gojës dhe evangjelizator i flaktë. Prandaj e thirrën të predikojë edhe jashtë Spanjës. Në Avinjon u emërua rrëfyes i Papës që asokohe banonte në atë qytet të Francës. Evangjelizoi Francën e jugut, dhe më pas Italinë e veriut, para që të kthehej në atdheun e tij. Subjekti i predikimit ishte shpallja e Mbretërisë së Zotit dhe lufta kundër skizmave në mes të Kishës. Ai vdiq më 5 Prill 1419 në Bretanjë, në qytetin Van. Varrin e tij, ku u shfaqën mrekulli të shumta, e vizitojnë mijëra besimtarë. Papa Kallisti II e shpalli Shenjtor më 29 qershor 1455.

   Meqënëse shpeshherë dita 5 Prill gjendet në Kreshmën apo në javën e Madhe, në famullinë tonë që kur festa e Sh. Vinçencit celebrohet të dielën pas Pashkëve.